Sipas presidentit serb, Aleksandër Vuçiç është Prishtina ajo që nuk dëshiron që dialogu Kosovë-Serbi të vazhdojë.

Nëpërmjet një komunikimi për mediat, Presidenti serb, Aleksandar Vuçic deklaroi më 7 dhjetor, se Serbia dëshiron vazhdimin e dialogut me Kosovën por Prishtina është ajo e cila nuk do që dialogu të vazhdojë.

“Ne dëshirojmë dhe duam të arrijmë një marrëveshje për të zhdukurit, por është Prishtina ajo që nuk e dëshiron këtë. Ajo nuk dëshiron të flasë me ne”, ka thënë Vuçiç.

Vuçiq konsideron që Kosova aktualisht nuk do të fillojë ndonjë aksion serioz kundër serbëve në Kosovë, por sipas tij qeveria në Prishtinë shkeli të gjitha marrëveshjet që deri më tani u arritën me bashkësinë ndërkombëtare. Ndërsa theksoi se Beogradi ka lejuar shumë njerëz nga Kosova të vizitojnë Serbinë dhe se e kundërta sipas tij nuk ka ndodhur me Prishtinën.