“Sa herë vjen Berisha në mbledhje ka zhurmë”-kështu u shpreh kreu i grupit parlamentar Enkeled Alibeaj pas mbledhjes së grupit parlamentar ditën e sotme.

Alibeaj deklaroi se do të merret opinioni i secilit deputet për propozimin e PS-së lidhur me çështjen e presidentit dhe se në kohën e duhur do të jepet qëndrimi final i opozitës.

Ai tha ndër të tjera se ashtu siç ky proces duhet të jetë transparent, edhe mbledhja e radhës e PD-së do të jetë e hapur.

Alibeaj: Kjo çështje është sqaruar në disa mbledhje, duhej zhvilluar dje por ndodhi fatkeqësia.

Çështja e qëndrimit që duhet të mbajë PD për presidentin, propozimi është që në formë kolegjiale të konsultohemi për të marrë një vendim, prandaj u la një mbledhje tjetër për të marrë opinionet e secilit deputetët, dhe të arrijmë në qëndrim final.

Mbledhjet kanë gjithmonë zhurmë sepse vjen Berisha, është i lirë të flasë por procesi i zgjedhjes së presidentit është më i rëndësishmi. Pavarësisht faktit se me ndryshimet kushteteuse të 2008 me marrëveshjen Rama-berisha është penalizuese për opozitën.

Opinioni im është i qartë, Rama nuk e ka të drejtën të zgjedhë presidentin. 4 deputetë nuk përfaqësojnë më zërin e qytetarëve. Kanë vjedhur votat sipas DASH dhe është deligjitimuar mazhoranca e Ramës. Nuk mund të rrudhet procesi i zgjedhjes, e turpshme qesharake futja e emrave nëpër zarfe.

Me bishtin ndër shalë të shmangemi, jo, përfaqësojmë gjysmën e ndershme të shqiptarëve dhe duhet të përballemi me Ramën. Duhet process që të respektojë figurën e Presidencës, transparent.

Do diskutojmë të qetë dhe me kohën e duhur si detyrim ndaj qytetarëve.Po ua them që sot që herën tjetër do jeni direkt për të ndjekur mbledhjen.