Modelja britanike Alice Goodwin ka habitur ndjekësit në rrjetet sociale me një deklaratë të papritur për një nga emrat më të mëdhenj të futbollit – Cristiano Ronaldon. Teksa fansat risollën në vëmendje thashethemet e vjetra për një lidhje të mundshme mes saj dhe yllit portugez, Goodwin i dha fund spekulimeve me një koment të shkurtër, por goditës:
“E injorova, sepse ai nuk është tipi im.”

Deklarata erdhi gjatë një sesioni pyetje-përgjigje në Instagram, ku modelja, e cila sot fiton miliona përmes platformës OnlyFans, u pyet nëse thashethemet për një flirt me Ronaldon ishin të vërteta.
Media britanike kishte raportuar për një afrim të dyshuar midis tyre përpara vitit 2017, kur Cristiano nisi romancën e famshme me Georgina Rodriguez. Por sipas vetë Goodwin, asgjë nuk ndodhi – dhe me vetëdije.

Në atë kohë, emri i Goodwin doli shpesh në faqet rozë për shkak të paraqitjeve të saj provokuese dhe lidhjeve me figura publike, përfshirë edhe ish-futbollistin Jermaine Pennant. Por lidhur me Ronaldon, ajo duket se nuk ka ndjenja të papërmbushura.

“Nuk më tërhoqi kurrë. Ai nuk është lloji im,” është shprehur ajo, duke lënë të kuptohet se fama dhe pasuria nuk janë gjithmonë faktorë joshës.

Në rrjet, komentet kanë shpërthyer – me disa që e përgëzojnë për sinqeritetin dhe të tjerë që e akuzojnë për “kërkim vëmendjeje”.
Megjithatë, një gjë është e sigurt: kur bëhet fjalë për Ronaldon, edhe refuzimet bëhen lajm.