Pas ndarjes së tyre zyrtare rreth gjashtë muaj më parë, lajmet për një pajtim të mundshëm midis futbollistit Alvaro Morata dhe ish-gruas së tij, Alice Campello, kanë bërë xhiron e mediave. Alice ka deklaruar se është përqendruar te fëmijët dhe puna, por një gjest i Moratës për ditëlindjen e vajzës së tyre, Bella, ka shtuar dyshime për një mundësi rikthimi.

Në një postim emocionues, Alice kujtoi momentin e lindjes së vështirë të Bellës, duke përshkruar eksperiencën e saj të vështirë shëndetësore dhe mirënjohjen që ndjen për të bijën. Morata gjithashtu shprehu dashurinë e tij për vajzën, duke postuar një foto të saj me një puthje dhe duke falenderuar Alice-n për përkushtimin e saj. Ky gjest i bukur u pasua nga një reagim emocional nga Alice në komentet e postimit.

Një tjetër moment që tërhoqi vëmendjen ishte një foto që Alice postoi nga dhoma e lojërave të fëmijëve, ku shfaqej një pikturë e saj dhe Alvaro duke u puthur. Pas disa thashethemeve, ajo publikoi një foto tjetër pa këtë detaj romantik, duke lënë të hapur mundësinë e një rikthimi.

Megjithatë, të dy ata vazhdojnë të kalojnë kohë së bashku, duke i shoqëruar fëmijët në shkollë dhe duke shkëmbyer momente miqësore. Alice e mbajti të hapur mundësinë për të ardhmen, duke thënë se jeta mund të surprizojë çdo ditë dhe se ajo dhe Alvaro do të vazhdojnë të respektojnë njëri-tjetrin për hir të fëmijëve.