Ambasadori i Bashkimit Europian në Tiranë, Luggi Soreca ka dhënë sërish qëndrimin pro krijimit të Parkut Kombëtar të Vjosës.

Në një postim në rrjetet sociale, diplomati i lartë evropian thekson se BE po e ndjek nga afër këtë situatë së bashku me ambasadat e tjera. Është thelbësore, thekson Soreca, që zëri i komuniteve lokale të dëgjohet.

“Ne mbështesim iniciativën për krijimin e Parkut Kombëtar Vjosa. Bashkimi Europian vazhdon ta ndjekë këtë çështje nga afër së bashku me Ambasadat e BE, në konsultim me autoritetet e Shqipërisë. Është thelbësore që zëri i komuniteteve lokale dhe ekspertëve të mjedisit të dëgjohet.”, shkruan Soreca në reagimin e tij.