Ambasadori i Suedisë në Kosovë, Jonas Westerlund, ka vizituar familjen e Liridona Ademajt, e cila u vra në Prishtinë. Kjo ngjarje dyshohet të jetë e përgatitur, me tre të dyshuar mes tyre bashkëshortin e viktimës, Naim Murseli.

Ambasadori Westerlund ka shpërndarë lajmin përmes platformës ‘X’, duke bërë të ditur se ka shprehur ngushëllimet e tij familjes Ademaj në Rracaj për rastin tmerrësisht tragjik të vrasjes së anëtarit të tyre të familjes, Liridona, shtetase suedeze.

Gjithashtu ai e ka përshëndetur reagimin e shpejtë të Policisë dhe Prokurorisë që të sjellin të dyshuarit para drejtësisë.

“Këtë mëngjes vizitova familjen Ademaj në Rracaj për tu shprehur ngushëllimet e mia të përzemërta për rastin e tmerrshëm të vrasjes së anëtarit të tyre të familjes Liridonës, shtetase suedeze. Përshëndes reagimin e shpejtë të Policisë së Kosovës dhe Prokurorisë për të sjell të dyshuarit tek drejtësia”, ka shkruar Westerlund në platformën X.