Ambasadorja e SHBA-ve ka folur sot me emra. Nga paralajmërimi për listë të pastra, ditën e sotme është ndalur tek emrat konkret, siç është rasti i deputetit Tom Doshi. Ambasadorja ka risjellë në vëmendje vendimin e Departamentit Amerikan të Shtetit, i cili ka shpallur ‘non-grata’ Doshi, ku i ndalohet hyrja për në SHBA.
Përmes një postimi në ‘Twitter’ diplomatja ka dhënë mesazhin e saj të prerë që Doshi mos të kandidojë për zgjedhjet e 25 prillit, ndërsa shtoi se votuesit e Shqipërisë meritojnë më mirë.
“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky emërim, i bërë nga Sekretari i Shtetit i SHBA-së pas shqyrtimit të kujdesshëm të informacionit. Me siguri, votuesit e Shqipërisë meritojnë më mirë”, shprehet Kim.
Kujtojmë se në vitin 2018 Departamenti Amerikan i Shtetit e shpalli Doshin të papërshtatshëm për të hyrë në SHBA, për shkak se akuzohet për korrupsion.
As Albania's election authorities prepare elections, it is worth recalling this designation, which was made by the US Secretary of State after careful review of information. Surely, Albania's voters deserve better than this. https://t.co/VguZvYLwuI
— Ambassador Yuri Kim (@USAmbAlbania) February 8, 2021
