Ambasadorja Yuri Kim ka takuar këtë të premte 15 prokurorët e SPAK. Përmes një postimi në rrjete sociale, ambasadorja thotë se sëbashku me klasën e re me 28 hetues të BKH-së, do t’u jepet përparësi dhe fokus çështjeve më të rëndësishme.

Kim thotë se prokurorët do të ndjekin penalisht dhe do të bëjnë përgjegjës ata qëë dëmtojnë shqiptarët dhe pasurojnë vetveten.

Postimi i Ambasadës Amerikane:

Ambasadorja Yuri Kim u takua me 15 prokurorët e SPAK për t’iu shprehur vlerësimin për punën e palodhur në ekip dhe ndjekjet penale të shumta të suksesshme. Është lajm i mirë për Shqipërinë që klasa e parë e hetuesve të BKH po iu bashkohet atyre në luftën kundër krimit dhe korrupsionit. Klasa e BKH me 28 hetues të përkushtuar dhe të trajnuar mirë do të sigurojë ndërtimin e çështjeve të forta nga SPAK. Së bashku, ata do u japin përparësi dhe fokus çështjeve më të rëndësishme dhe do modelojnë pavarësi dhe përgjegjshmëri. Së bashku, ata do të ndjekin penalisht dhe do bëjnë përgjegjës ata që dëmtojnë shqiptarët dhe pasurojnë vetveten përmes krimit të organizuar dhe korrupsionit. Askush nuk është mbi ligjin. Koha e pandëshkueshmërisë po merr fund.