Kapiteni i Kosovës, Amir Rrahmani, ka firmosur një kontratë të re me Napolin, e cila e mban në klubin italian deri në vitin 2028, me opsion rinovimi deri në 2029.
Sipas të përditshmes italiane “Il Mattino”, marrëveshja e re do t’i sigurojë Rrahmanit një pagë prej 4 milionë eurosh në vit, duke e vendosur ndër lojtarët më të paguar të skuadrës napolitane.
Që nga transferimi i tij nga Hellas Verona në vitin 2020, Rrahmani është bërë një nga shtyllat kryesore të mbrojtjes së Napolit, duke luajtur një rol vendimtar në sezonin historik ku skuadra fitoi titullin e Serie A pas më shumë se tre dekadash, si dhe në sezonin e kaluar, ku ishte lojtari me më së shumti paraqitje.
