Kryetari i Lëvizjes së Re, Arian Galdini, shpreh shqetësimin se samiti në Tiranë për Ukrainën shërben qëllimeve personale të Kryeministrit Edi Rama, duke e cilësuar si një akt ku Shqipëria vendoset në dispozicion të vendeve të tjera. Analisti për Çështjet Rajonale, Armand Plaka, në anën tjetër, beson se këto samite do të sjellin përfitime në të ardhmen për Shqipërinë, duke e rritur rolin e saj në arenën ndërkombëtare.

“Rama ka zgjedhur që në vend që të ketë vizionin e një Shqipërie që zhvillohet , të ketë vizionin e një Shqipërie në dispozicion. Ai e vendos vendin në dispozicion të të gjithë shteteve që kanë një hall. Është tipikisht lideri që hipën mbi Shqipërinë për të ngritur veten”- tha Galdini.

Ndërsa analisti për Çështjet Rajonale, Armand Plaka tha se me samitet e organizuara, Shqipëria do të ketë përfitime në të ardhmen.

“Mendoj se gjithçka që po ndodh, rritja e rolit të Shqipërisë në arenën ndërkombëtare bën që në të ardhmen Shqipëria të jetë përfituese në të ardhmen”- theksoi Plaka.