Kryedemokrati Lulzim Basha ka shprehur falënderimet dhe mirënjohjen Angela Merkelit pasi mbrëmjen e djeshme me nje ceremoni madhështore Gjermania i dha lamtumirën.

Me një postim në Facebook Basha, shkruan se: “Shqipëria, Kosova dhe shqiptarët do të jenë përjetë mirënjohës” për vëmendjen e treguar nga Kancelarja gjermane.

Sipas kryedemokratit angazhimi i saj e bëri Europën më solidare, të bashkuar dhe të aftë të kalojë kriza jo të lehta.

Postimi nga Lulzim Basha

Falemnderit Angela Merkel!

Lidershipi juaj, në kohëra shumë të trazuara që kaloi bota, është një shembull frymëzues.

Angazhimi juaj e bëri Europën më solidare, të bashkuar dhe të aftë të kalojë kriza jo të lehta.

Shqipëria, Kosova dhe shqiptarët do të jenë përjetë mirënjohës për vëmendjen tuaj.

Gjithë të mirat në jetën tuaj dhe suksese në angazhimet e ardhshme.