Ish-banorja e Big Brother VIP Kosova 3, Anisa Veseli, ka bërë të ditur se produksioni i programit nuk ka mbajtur premtimin për të mbuluar shpenzimet e operacionit të rëndësishëm për trajtimin e skoliozës, një premtim që ishte dhënë gjatë qëndrimit të saj në shtëpinë e Big Brother.

Gjatë pjesëmarrjes së saj në format, Anisa kishte ndarë historinë e saj emocionuese për vuajtjet nga një problem serioz në shtyllën kurrizore, një sëmundje që jo vetëm kishte ndikuar në shëndetin e saj, por gjithashtu e kishte privuar nga mundësia për të pasur fëmijë. Ajo kishte shpallur se kishte hyrë në garë për të fituar çmimin e madh dhe paratë e nevojshme për operacionin e shtrenjtë që kishte nevojë për të pasur një jetë më të shëndetshme.

Në atë periudhë, produksioni kishte premtuar publikisht se do të mbulonte të gjitha shpenzimet e operacionit, një gjest që kishte emocionuar shumë fansat dhe publiku. Megjithatë, Anisa ka postuar së fundmi në TikTok, ku ka zbuluar se ky premtim nuk është mbajtur dhe se ndihma nga produksioni ka qenë një gënjeshtër.