Pothuaj një vit pasi Kombëtarja e Argjentinës fitoi Kupën e Botës, po zhvillohet një ankand për 6 nga fanellat e përdorura nga Lionel Messi në këtë turne. Ankandi po organizohet nga Sotheby’s dhe do të zgjasë deri më 14 dhjetor.

Messi ka veshur këto fanella në ndeshjet kryesore të grupit dhe në fazën e eliminatoreve të Kupës së Botës, duke përfshirë edhe finalen kundër Francës. Deri tani, ka një ofertë prej 5.2 milionë dollarësh, me qëllim që të thyhet rekordi aktual i Michael Jordan, i cili ka shitur një fanellë për 10.1 milionë dollarë në shtator 2022, e veshur gjatë një ndeshje finale të NBA.

Fanella më e shtrenjtë e futbollit që është shitur ndonjëherë është ajo e Diego Maradonës, e veshur në çerekfinalen e vitit 1986, e cila u shit për 9.3 milionë dollarë në maj të vitit 2022 në Londër. Pjesa e të ardhurave nga ankandi për fanellat e Messi do të shkojë në programin UNICAS, të drejtuar nga Spitali i Fëmijëve Sant Joan de Déu në Barcelonë, me mbështetjen e Fondacionit Leo Messi, për të ndihmuar fëmijët që vuajnë nga sëmundje të rralla.