Pas samitit të Bashkimit Europian, liderët evropian kishin planifikuar një konferencë të përbashkët, por që u anulua në momentin e fundit.

I pyetur nga gazetarët Kryeministri Edi Rama ka bërë një koment lidhur me mungesën e një konference për mediat pas përfundimit të Samitit të BE-së.

Rama e sheh si shenjë inteligjence. Sipas tij, ka diçka të deformuar në BE.

“Si gazetarë u poshtëruam sot nga liderët e BE-së, duhet të kishim një konferencë të përbashkët me Charles Michel, Emmanuel Macron dhe Ursula von der Leyen, pse mendoni se e bënë?”, iu drejtua reporterja gjatë konferencës.

“Mendoj që ata janë shumë inteligjentë që nuk bënë konferencë, tregon atë çfarë janë. Tregon që ndihen keq, kanë bërë çfarë kanë mundur. Ka diçka të deformuar në BE”, tha Rama.