Mbrëmjen e kaluar, disa prej ish-banorëve të BBV hynë në shtëpi për të darkuar me katër finalistët. Mes tyre duhet të ishte edhe Beatrix, por Arbana sqaroi se papritur Beatrix kishte lajmëruar produksionin se nuk do të hynte në shtëpi, pasi ishte mërzitur nga një situatë e krijuar një ditë më parë, kur në shtëpi hynë miqtë e famshëm të banorëve.

Një bisedë e bërë me humor nga Ermal Mamaqi, Donaldi, Arjola dhe Salsano duket se e ka mërzitur Triksën. Për banorët dhe publikun mbeti e paqartë se nga çfarë ishte mërzitur saktësisht këngëtarja, por kushërira e saj, Anxhelina Hadërgjonaj ka reaguar me një koment në një postim të Ermal Mamaqit për të treguar si qëndron e vërteta.

“Ermal, sepse siç e the dhe vet jemi miq, ta siguroj që nuk është prekur nga përmendja e personave të tretë (sepse Trixës i janë futur parashuta me të tilla provokime dhe nuk ka reaguar, sepse nuk i intereson). Por është prekur nga batuta palidhje e zotëri Salsanos (për vrasje e therje) dhe të qeshurat histerike të banorëve që ajo i konsideronte shumë të afërt. Ti e fillove, po u përkeqësua nga të tjerët që qeshin akoma me humor të ’95-ës. Kaq! Trixa ka të drejtën e të gjithë botës të mërzitet e të marrë çfarë vendimi të dojë, sepse boll ka toleruar”, shkruan Anxhelina.

Në videon e Ermalit, ku ai jep një mesazh për Triksën, duke e siguruar se ishte një shaka shoqërore, pasi me të njihet familjarisht dhe për këtë arsye ia lejoi vetes.