Gjykata e Apelit të Juridiksionit të Përgjithshëm ka vendosur të mbajë në burg Ilir Beqarajn dhe Edison Haxhiun, të dy të akuzuar për përfshirjen e tyre në atentatin ndaj Gentian Bejtjas në Larushk të Fushë-Krujës. Të arrestuarit kërkojnë ndryshim në vendim, por Gjykata e lë në fuqi vendimin e shkallës së parë.

Ilir Beqaraj, i njohur edhe me dy mbiemra të tjerë, Brahimi dhe Mançellari, është personi që ka transportuar atentatorët nga vendi ku u dogj makina e parë në drejtim të rrugës kryesore Thumanë-Fushë Krujë. Megjithatë, hetuesit janë të bindur se ai nuk ishte pjesë e grupit që realizoi vrasjen.

Ndërkohë, Edison Haxhiu, pronari i makinës “Golf”, është akuzuar për sigurimin e mjeteve për kryerjen e vrasjes, por për përfshirjen e tij nuk dihen detaje të tjera.

Gentjan Bejtja u vra me më shumë se 30 plumba pasditen e 15 marsit, ndërsa makina “Land Rover Discover” që përdorej në atentat është dërguar për ekspertizë në Laboratorin e Policisë Shkencore për të zbuluar detaje të rëndësishme mbi ngjarjen.