Gjykata e Apelit në Tiranë konfirmoi masën “arrest në burg” për Xhino Agon, duke mbështetur vendimin e Gjykatës së Shkallës së Parë të Elbasanit të marrë më 5 dhjetor 2025. Megjithatë, Apeli ndryshoi një pikë të vendimit, duke shpallur të paligjshëm arrestimin në flagrancë të tij, pasi nuk u dokumentua ndalimi i personit në momentin e kryerjes së veprës.
Xhino Agon dyshohet si bashkëpunëtor në vrasjen e Mondi Mëhallës, ndërsa hetimet vijojnë për të sqaruar rolin e tij në këtë krim. Vendimi i Apelit nuk ka ndryshuar masën e sigurisë, duke lënë Agon në burg gjatë procesit hetimor.
