Gjykata e Apelit ka lënë në fuqi vendimin e gjykatës së shkallës së parë për deputetin e Partisë Demokratike, Ervin Salianji. Pas vendimit, Salianji foli për mediat, duke e cilësuar veten si i burgosuri i parë politik në Shqipëri që nga ndryshimet demokratike.

Në deklaratën e tij, ai tha: “Do të marrim të gjitha masat për të apeluar në shkallët e mëtejshme. Jam i gatshëm të përballem me këtë vendim dhe do ta bëj me dëshirë, kurdo që të vendosin ata. Kjo gjithçka po ndodh është para zgjedhjeve. Unë jam në dispozicion për të përballur bandat dhe do të marr pjesë në një fushatë të jashtëzakonshme, edhe nga burgu po të jetë nevoja. Jam i dënuari i parë politik pas 34 vitesh dhe do të vazhdoj betejën time edhe nga aty.”

Salianji ka shprehur vendosmërinë për të vijuar angazhimin e tij politik, pavarësisht nga rrethanat e dënimit.