“Bluetooth” është një aplikacion, i cili ka udhëtuar krah për krah me përdoruesit prej dy dekadash.
Këtë aplikacion e shohim të instaluar kudo në pajisjet elektroshtëpiake, dhe sigurisht në telefona.
ABI Research vlerëson se 5 miliardë pajisje të aktivizuara me “Bluetooth” do t’u dërgohen konsumatorëve këtë vit, me këtë shifër që pritet të rritet në 7 miliardë deri në vitin 2026. “Bluetooth” tani është në çdo gjë, nga telefonat inteligjentë tek elektorshtëpiaket, duke lejuar një numër në rritje produktesh të lidhen me njëri-tjetrin pa probleme.
Pavarësisht përhapjes së saj, teknologjia është ende e prirur ndaj çështjeve që shkaktojnë pasiguri dhe shumë polemika.
Teknologjia u diferencua nga Wi-Fi duke qenë “në thelb me rreze të shkurtër”, tha Harrison. Është ende rasti sot që opsionet “Bluetooth” me të cilat janë mësuar shumë konsumatorë në telefonat e tyre dhe altoparlantët portativ funksionojnë me fuqi më të ulët dhe mund të lidhen vetëm në distanca të kufizuara.
Sinjalet “Bluetooth” udhëtojnë mbi valët e palicencuara, të cilat janë efektivisht të hapura për publikun për t’i përdorur nga kushdo, në krahasim me valët e privatizuara që kontrollohen nga kompani si AT&T ose Verizon. Kjo mund të ketë lehtësuar zhvillimin e saj dhe miratimin më të gjerë, por ajo erdhi me një kosto.
Për më tepër, shumë agjenci qeveritare amerikane kanë këshilluar konsumatorët se përdorimi i “Bluetooth”-it rrezikon t’i lërë pajisjet e tyre më të prekshme ndaj rreziqeve të sigurisë kibernetike. Komisioni Federal i Komunikimeve ka paralajmëruar se, ashtu si me lidhjet Wi-Fi, “‘Bluetooth’ mund të rrezikojë të dhënat tuaja personale nëse nuk jeni të kujdesshëm”.
Të paktën një zyrtar i profilit të lartë qeveritar thuhet se është një skeptik i “Bluetooth”-it dhe bëhet fjalë për zëvendëspresidenten Kamala Harris. Në një nga videot më të klikuara dhe të shikuara të Harris, ku shihet duke uruar Presidentin e zgjedhur Joe Biden pas zgjedhjeve në duart e saj Harris mbante në dorë kufjet. Sipas “Politico”, Harris “ka kohë që mendon se kufjet ‘Bluetooth’ janë një rrezik sigurie”.
Por bizneset dhe konsumatorët vazhdojnë të përqafojnë “Bluetooth”-in. “Apple”, ndoshta më e rëndësishmja, hoqi portat tradicionale të kufjeve dhe prezantoi kufjet e saj të njohura me valë me ‘Bluetooth’, AirPods. Kompani të tjera të teknologjisë kanë nxjerrë që atëherë produkte të ngjashme.
Disa audiofilë të guximshëm, lloji i njerëzve “që ankohen se ‘Spotify’ nuk është mjaft cilësor”, siç thotë Harrison, gjithashtu refuzojnë të përqafojnë botën e kufjeve ‘Bluetooth’ për arsye të cilësisë së zërit, shkruan “CNN”.
Pavarësisht nga të metat e tij, Harrison nuk e sheh kërkesën për “Bluetooth” në rënie dhe pranon se ai vetë e përdor atë pa probleme rreth “70% të kohës”.
“‘Bluetooth’ nuk e ka parë ende kulmin e tij,” tha Harrison. “‘Bluetooth’ do të jetë ngjitësi që i lidh të gjitha së bashku.”
