Të enjten priten ndeshje të rëndësishme në UEFA Europa League dhe UEFA Conference League, ku arbitrat shqiptarë do të luajnë një rol kyç në drejtimin e dy takimeve.

Në Europa League, Juxhin Xhaja do të drejtojë ndeshjen Lyon – Go Ahead Eagles në “OL Stadium” në orën 21:00. Asistentë do të jenë Arber Zalla dhe Rejdi Avdo, ndërsa arbitër i katërt është Olsion Yzeiraj. Rolin e VAR do ta mbajë skocezi Andreë Dallas, ndërsa në pozicionin e AVAR është gjermani Christian Dingert.

Ndërsa në Conference League, Enea Jorgji do të vendosë drejtësi në ndeshjen Breiðablik – Shamrock Rovers, e cila luhet në “Laugardalsvöllur”, në Rejkjavik, në orën 18:45. Asistentët e tij janë Denis Rexha dhe Ridiger Çokaj, ndërsa arbitër i katërt është Kreshnik Cjapi. Në VAR do të jetë italiani Gianluca Aureliano, dhe në pozicionin e AVAR arbitri shqiptar Kreshnik Barjamaj.

Ky angazhim i arbitrit shqiptar në dy kompeticionet europiane konfirmon nivelin e tyre të lartë dhe besimin e UEFA-s në aftësitë e tyre për të menaxhuar takime ndërkombëtare me tension dhe cilësi të lartë.