Argita Malltezi, vajza e kreut të Partisë Demokratike, Sali Berisha, ka folur për mundësinë e angazhimit të saj në politikë. E pyetur nëse ka menduar ndonjëherë të hyjë në këtë fushë, ajo u shpreh se nuk e ka konsideruar asnjëherë këtë rrugë, dhe as aktualisht nuk ka ndryshuar qëndrim.

Megjithatë, Malltezi theksoi rëndësinë e angazhimit në jetën publike, duke nënvizuar se mosangazhimi është një nga gabimet më të mëdha që mund të bëjë dikush për të ardhmen e brezave të rinj.

“Për shumë arsye nuk e kisha menduar ndonjëherë politikën. E kisha vlerësuar, e kisha peshuar, por nuk kisha vendosur për të hyrë në të. Dhe kjo rrethanë nuk ka ndryshuar as tani. Gjithmonë kam qenë e drejtpërdrejtë në mendimet e mia, dhe nuk kam heshtur kur kam parë diçka të padrejtë.

Dëmi më i madh që mund të bëjë njeriu për të ardhmen e fëmijëve është të mos angazhohet në jetën publike dhe të mos e thotë të vërtetën kur mendon se diçka është e gabuar. Në këtë kuptim, nuk e përjashtoj një angazhim publik, por realisht nuk kam planifikuar diçka konkrete për të ardhmen time në këtë drejtim”, tha Argita Malltezi.