Në një intervistë për TuttomercatoWeb, kreu i Federatës Shqiptare të Futbollit (FSHF), Armand Duka, ka biseduar rreth kualifikimit të Shqipërisë në ‘Euro 2024’, duke theksuar se suksesi ka ardhur si rezultat i një pune të palodhur dhe sakrificave të bëra nga ekipi dhe stafi trajnues.
Duka ka shprehur kënaqësinë e tij për arritjen e kombëtares shqiptare dhe ka theksuar se interesimi i mediave evropiane, sidomos atyre italiane, është i madh, duke pasuar ngjarjet e futbollit shqiptar me vëmendje të veçantë për shkak të numrit të legjionarëve që aktivizohen në Serinë A.
Kreu i FSHF ka falënderuar trajnerin Sylvinho dhe ka potencuar rolin e tij në arritjen e këtij suksesi. Ai gjithashtu ka bërë komplimente për bashkëpunëtorin D’Olivian dhe ish-lojtarin Zabaleta, të cilët kanë ndihmuar në ndërtimin e një skuadre të fortë dhe të përgatitur për sfidat e ‘Euro 2024’.
“ Për ‘Éuro 2024’ tani vjen pjesa e vështirë, do të takojmë ekipet e forta. Në letër arrijmë si një nga skuadrat më të dobëta, por duam të shkojmë përtej grupit. Nuk e di ku do të arrijmë, por i kemi kualitetet për të shkuar më tej. Dhe festa tashmë ka përfunduar, ne po përgatitemi për Gjermaninë. Trajneri është i uritur. Dhe nuk dua të takoj Italinë, ata janë një ekip shumë i fortë edhe nëse nuk kanë arritur rezultate të mëdha kohët e fundit.
