Një 45-vjeçar është arrestuar nga policia në Cërrik, pasi dhunonte bashkëjetuesen dhe kërcënonte me jetë fëmijët e saj të mitur. Gjatë operacionit, është arrestuar edhe babai i tij, 71-vjeçar. Sipas policisë, gjatë kontrollit të kryer në banesën dhe automjetin e tij, janë gjetur dhe sekuestruar 2 kallëpe tritoli, 1 armë zjarri pushkë, 1 armë gjahu, municion luftarak dhe 1 mjet prerës (thikë).

“Me qëllim trajtimin e plotë të këtij rasti, kallëzueses dhe fëmijës së saj të mitur iu janë plotësuar kërkesëpaditë për urdhra të mbrojtjes së menjëhershme dhe janë dërguar në qendrën sociale ‘Forumi i Gruas’, Elbasan, për të marrë asistencën e nevojshme,” thuhet në njoftimin e policisë.

Materialet procedurale i kaluan Prokurorisë për veprime të mëtejshme.