Arrestimi i papritur i Liam Osmanit brenda shtëpisë më të famshme në Shqipëri ka nxitur debate të forta në javën e fundit të Big Brother Vip 3.

Drejtuesi i programit, Ledion Liço, njoftoi se nëse Osmani lirohet nga autoritetet, mund të ketë mundësi që ai të jetë sërish pjesë e show-it.

Ndërkohë, para arrestimit, Osmani deklaroi se pjesëmarrja në program ishte një shans për të rikthyer në Shqipëri dhe për të qëndruar pranë prindërve të tij.

“Ky program televiziv nga sezoni në sezon na gjen të papërgatitur, është i paparashikueshëm edhe prej kësaj që ndodhi ditën e diel, çështja vijon të jetë në instancat e gjyqësorit, ekziston një mundësi që Liami të dalë, dhe nëse ndodh që mund të jetë i lirë dhe nuk i dihet mund të jetë në Big Brother”, tha Ledioni.

“Është një ngjarje e pazakontë, personi edhe nuk akuzohej për ndonjë vepër të rëndë penale, por Bigu bën edhe këtë punë, t’ua bëjnë punën më të lehtë organeve”, tha Arbri.

Përpara arrestimit, teksa vijonte rrugëtimin në shtëpinë më të famshme në Shqipëri, Liam Osmani deklaroi në dhomën e rrëfimit se pjesëmarrja në program ishte një shans për tu rikthyer në vendin e tij.

“Këtë shans po e përdor për tu rikthyer në Shqipëri. Dua të qëndroj me prindërit e mi këtu. E ti marr ato lekët, që uroj ti marr (çmimi i madh)”, është shprehur ai.