Policia e Los Anxhelosit ka arrestuar katër persona të dyshuar për vrasjen e aktorit amerikan Johnny Wactor, i cili u vra gjatë një tentative të dyshuar grabitjeje më 25 maj të vitit të kaluar. Sipas policisë, të arrestuarit janë të moshës nga 18 deri në 22 vjeç. Tre prej tyre janë akuzuar për vrasje, ndërsa i katërti dyshohet se ka qenë bashkëpunëtor i bandës së kriminelëve.
Wactor, i njohur për rolin e tij si Brando Corbin në telenovelën ‘General Hospital’ të kanalit ABC, vuri re se i kishin vjedhur makinën ndërsa ishte në një lokal me një shok. Pasi u nis për te vendi i parkimit, u qëllua në gjoks dhe humbi jetën.
Ky rast ndjek një tjetër tragjedi të ngjashme në botën e Hollivudit, ku aktori Matthew Perry, i njohur për rolin e tij në serialin “Friends”, vdiq në rrethana të dyshimta, për të cilat policia ka bërë arrestime.
