Në një reagim të shpejtë të policisë, një 17-vjeçar është arrestuar pasi, së bashku me një bashkëpunëtor ende në kërkim, dyshohet se vodhën një shumë parash duke përdorur një pistoletë imituese në një farmaci në rrugën “Asim Zeneli” në Tiranë.
Shërbimet e Sektorit të Forcës së Posaçme “Shqiponja”, në bashkëpunim me Komisariatin e Policisë Nr. 1, kanë organizuar një reagim efikas për kapjen e dyshuarve. Nga operacioni, është arrestuar 17-vjeçari, ndërsa bashkëpunëtori i tij ende është në kërkim.
Në momentin e arrestimit janë sekuestruar shuma e parave e vjedhur, pistoleta imituese dhe biçikleta që ata kishin përdorur për të ikur nga vendi i ngjarjes. Autorët kishin vjedhur një shumë parash nën kërcënimin e pistoletës imituese nga dy shtetas të paidentifikuar në rrugën “Asim Zeneli”.
I vodhën nën kërcënimin e një pistolete imituese, një shumë parash, dy shtetasve, falë reagimit të menjëhershëm të shërbimeve të Sektorit të Forcës së Posaçme “Shqiponja”, në bashkëpunim me Komisariatin e Policisë Nr. 1, kapet dhe vihet në pranga njëri nga autorët e dyshuar. Shpallet në kërkim bashkëpunëtori i tij.
Sekuestrohet shuma e parave, e dyshuar e vjedhur, pistoleta imituese, dhe biçikleta të cilën autorët kanë përdorur për tu larguar nga vendi i ngjarjes.
Shërbimet e Sektorit të Forcës së Posaçme “Shqiponja”, në bashkëpunim me Komisariatin e Policisë Nr. 1, pas marrjes së njoftimit ditën e djeshme, në sheshin “Skënderbej”, rreth orës 03:20, dy persona të paidentifikuar, nën kërcënimin e një arme, i kishin vjedhur një shumë parash dy shtetasve dhe më pas ishin larguar, menjëherë kanë organizuar punën për kapjen e tyre.
Falë reagimit të menjëhershëm të shërbimeve të Policisë, në bulevardin “Dëshmorët e Kombit” u kap njëri prej autorëve të dyshuar, një 17-vjeçar, banues në Tiranë. Gjithashtu, vijon puna për kapjen e një 17-vjeçari tjetër, bashkëpunëtor i tij.
Nga verifikimet e kryera ka rezultuar se dy të miturit, janë autor të dyshuar edhe të vjedhjes së një shume parash, në një farmaci në rrugën “Asim Zeneli”.
