Një 27-vjeçare është arrestuar në Tiranë për akuzat e mashtrimit me biletat e udhëtimit. Anila Gjishti, e cila punonte si operatore në një kompani turistike, dyshohet se ka shfrytëzuar detyrën e saj për të rezervuar bileta udhëtimi për klientë të ndryshëm. Pas përvetësimit të pagesave për këto bileta, ajo bëri anullimin e tyre, duke përfituar në mënyrë të paligjshme.

Arrestimi i Gjishtit u realizua nga specialistët e Sektorit për Hetimin e Krimit Ekonomik dhe Financiar të Policisë së Tiranës, të cilët janë angazhuar për zbardhjen e plotë të këtij rasti dhe për ndjekjen e procedurave ligjore përkatëse.