Një 36-vjeçar nga Kosova është proceduar penalisht pasi ka tentuar të fusë në Shqipëri 18,000 euro pa i deklaruar sipas ligjeve në fuqi. Autoritetet shqiptare kanë sekuestruar shumën e parave që individi po përpiqej të kalonte në kufi.

Sipas njoftimit të policisë, “në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin kosovar 36 vjeç, banues në Mamushë, Kosovë, për veprën penale ‘Mosdeklarimi në kufi i të hollave dhe i sendeve me vlerë’.”

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës për veprime të mëtejshme.