Një 38-vjeçar shqiptar është arrestuar nga policia italiane pasi i vuri flakën një makine policie në Peschiera del Garda. Incidenti ndodhi kur shqiptari theu xhamin e mjetit, hodhi benzinë brenda dhe më pas i vuri flakën.

Kamerat e vëzhgimit kapën të gjithë skenën, duke lejuar oficerët të identifikonin autorin me shpejtësi. Gjatë kontrollit të mëvonshëm, policia zbuloi se ai kishte me vete edhe thika, çka e shtoi një tjetër akuzë në ngarkim të tij.

38-vjeçari rezulton me precedentë penalë për dhunë në familje, duke e përkeqësuar edhe më shumë pozitën e tij përballë autoriteteve italiane.