Një 40-vjeçar është vënë në pranga nga Policia e Shkodrës, pasi u kap në flagrancë duke tentuar të largohej me një automjet të vjedhur në lagjen “Skënderbeg”.

Policia ndërhyri menjëherë pas denoncimit të M. Zh., pronarit të mjetit, dhe organizoi operacionin policor të koduar “Again”, duke bërë të mundur arrestimin e shtetasit A. D., 40 vjeç, banues në Shkodër.

Autoritetet po vijojnë hetimet për të zbardhur raste të tjera të mundshme vjedhjeje ku mund të jetë përfshirë i arrestuari. Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.