Policia e Vlorës ka arrestuar në flagrancë një 46-vjeçar, B. S., pasi dyshohet se ka ushtruar dhunë fizike ndaj bashkëjetueses së tij dhe e ka kanosur me thikë, duke i kërkuar që të tërhiqte kërkesën për urdhër mbrojtjeje ndaj tij. Ngjarja ka ndodhur në fshatin Fitore, në njësinë administrative Novoselë.

Pas njoftimit për rastin e dhunës në familje, shërbimet e Policisë ndërhynë menjëherë, duke arrestuar të dyshuarin. Gjatë kontrollit fizik të 46-vjeçarit, ata gjetën dhe sekuestruan mjetin prerës (thikën), të cilën ai dyshohet se ka përdorur për të kanosur bashkëjetuesen.

Policia ka nisur hetimet për zbardhjen e plotë të rrethanave të ngjarjes.