Një shtetas shqiptar, me inicialet P. S., është arrestuar dje në aeroportin e Podgoricës, i dyshuar për veprën penale të pastrimit të parave. Sipas njoftimit të Drejtorisë së Policisë së Malit të Zi, zyrtarët e Sektorit të Sigurisë së Podgoricës, bashkë me ata të Inteligjencës Financiare dhe Policisë Kufitare, kanë kryer ndalimin e P. S., duke e akuzuar për përfshirje në aktivitete të dyshimta financiare.
Gjatë ndalimit, P. S.-së i janë sekuestruar para të gatshme, për të cilat dyshohet se vijnë nga aktivitete kriminale. Sipas autoriteteve, shtetasi shqiptar ka tentuar të kalojë përmes Malit të Zi me një shumë prej 32,395 paundësh britanikë (GBP), të cilat janë bllokuar nga policia kufitare dhe autoritetet doganore në aeroportin e Podgoricës.
