Pas dy muajsh hetimesh intensive, policia ka arrestuar në Vlorë Flodian Plakun, i dyshuar si autor i vrasjes me pagesë të Gentjan Bejtjas më 15 mars 2024 në fshatin Larushkë, Krujë.
Operacioni u zhvillua nga forcat operacionale dhe efektivët lokalë, të cilët gjetën mbi të dy armë zjarri tip pistoletë.

Plaku dyshohet se ka vepruar si killer me pagesë dhe ishte i porositur për të kryer edhe atentate të tjera. Bashkë me të u arrestua edhe bashkëpunëtori i tij, Juljan Aliaj.

Për këtë ngjarje, më herët ishte arrestuar edhe Ilir Beqaraj, kunati i Roan Brahimit, i dyshuar për përfshirje në organizimin e atentatit ndaj Bejtjas.