Një 22-vjeçar është arrestuar në flagrancë në Lushnjë, teksa përpiqej të vidhte në një banesë. I riu, me inicialet E.D., i cili ka qenë i dënuar më parë për vjedhje, u kap nga policia në katin e dytë të banesës ku po kryente aktin e paligjshëm.
Njoftimi i Policisë:
Lushnjë
U kap në flagrancë, në banesën ku kishte hyrë për të vjedhur, vihet në pranga 22-vjeçari.
Si rezultat i ndërhyrjes së shërbimeve të Komisariatit të Policisë Lushnjë, menjëherë pas njoftimit nga një shtetas, se po tentohej të vidhej në banesën e tij, në lagjen “Skënder Libohova”, u bë i mundur arrestimi i autorit të këtij rasti:
E. D., 22 vjeç, banues në Tiranë, i dënuar më parë për vjedhje.
Shërbimet e Policisë e kapën 22-vjeçarin në flagrancë, në mbrëmje, në katin e dytë të banesës ku kishte hyrë për të vjedhur.
Materialet procedurale i kaluan Prokurorisë, për veprime të mëtejshme, për veprën penale “Vjedhja”, mbetur në tentativë.
