Një vajzë 22-vjeçare është arrestuar nga Policia e Tiranës pasi u kap duke i shitur lëndë narkotike të dyshuar kokainë një të riu 29-vjeçar. Sipas burimeve policore, edhe 29-vjeçari është proceduar në gjendje të lirë.

Ngjarja u konfirmua nga autoritetet, të cilat bënë të ditur se 22-vjeçarja do të përballet me akuzën për “Prodhimi dhe shitja e narkotikëve”, e parashikuar nga neni 283 i Kodit Penal. Në momentin e arrestimit, policia sekuestroi një dozë kokainë si provë materiale.

“Specialistët për Hetimin e Narkotikëve arrestuan shtetasen K. P., 22 vjeçe, si dhe proceduan në gjendje të lirë shtetasin R. I., 29 vjeç, banues në Tiranë. Shërbimet e Policisë kapën në flagrancë shtetasen K. P., duke i shitur 29-vjeçarit një dozë me lëndë të dyshuar narkotike kokainë,” thuhet në njoftimin e policisë.