Policia e Selanikut ka arrestuar një 23-vjeçar shqiptar, i dyshuar për tentativë përdhunimi, dhunë dhe grabitje ndaj një gruaje 61-vjeçare greke. Sipas hetimeve, ngjarja ka ndodhur në mëngjesin e Vitit të Ri në zonën e Pylaias, pas një takimi mes dy të dyshuarve.

23-vjeçari ka tentuar të detyrojë viktimën në një akt seksual, duke përdorur kërcënime dhe dhunë fizike. Ai e ka goditur gruan me një helmetë dhe një shishe, ndërsa ka marrë edhe celularin e saj. Pavarësisht përpjekjes për t’u arratisur dhe rezistencës së fortë të viktimës, policia e arriti dhe e arrestoi të riun.

Gjatë kontrollit, autoritetet gjetën celularin dhe një çelës që i përkisnin 61-vjeçares. Ajo është dërguar në spital për trajtim mjekësor. Ndërkohë, 23-vjeçari pritet të përballet me akuza të tjera para Prokurorisë së Selanikut për vazhdimin e procedurave ligjore.