Një 31-vjeçar shqiptar është arrestuar në një zonë të Selanikut nga punonjës të Drejtorisë së Policisë Moudania, pas një operacioni të koordinuar antidrogë.
Gjatë kontrollit në banesën e tij, autoritetet zbuluan dhe sekuestruan:
• 2 pako me kanabis të papërpunuar, me peshë totale 450 gram
• 2 peshore elektronike precize
• 6,650 euro cash, të dyshuara si të ardhura nga aktiviteti kriminal
Sipas autoriteteve greke, materiali i sekuestruar përforcon dyshimet për përfshirjen e tij në shpërndarjen e lëndëve narkotike.
Ndaj 31-vjeçarit është ngritur një dosje penale dhe ai do të dërgohet për ndjekje penale në Prokurorinë e Shkallës së Parë të Selanikut. Hetimet po vijojnë për të zbuluar nëse ka persona të tjerë të përfshirë në rrjetin e mundshëm të shpërndarjes.
