Familjarët e një 13-vjeçareje kanë denoncuar në polici bashkëfshatarin e tyre, 64-vjeçar, duke e akuzuar për ngacmim seksual të të miturës. Denoncimi është nxitur nga një oficer policie pasi gjyshi i vajzës i kishte treguar atij për incidentin. Komisariati i Policisë së Devollit ndërmori ndalimin e menjëhershëm të shtetasit Z.R., 64 vjeç (Fshati dhe zona janë fshirë për shkak të mos cënimit të integritetit të së miturës), pasi dyshohet se ka ngacmuar seksualisht një 13-vjeçare. Deklarimet e vajzës u morën në prani të prindërve dhe të psikologes, njoftoi sot policia e Korçës.

Vajza jetonte me motrat dhe të ëmën, ndërsa i ati punon në Greqi. Nuk dihet sa kohë ka që 64-vjeçari e ngacmonte 13-vjeçaren, por denoncimi është bërë vetëm ditën e djeshme.