Efektivët e Policisë së Malësisë së Madhe kanë arrestuar një person të shpallur në kërkim, i cili akuzohet për kultivimin e bimëve narkotike. Ai është Martin Vasile, i njohur edhe si Leka, 41 vjeç, banues në fshatin Qafë Aliaj. Gjykata e Shkodrës kishte caktuar masën e sigurisë “Arrest në burg” ndaj tij për veprën penale të kultivimit të bimëve narkotike.

Sipas autoriteteve, më datë 9 gusht 2023, në fshatin Goraj, Kastrat, punonjësit e Policisë kanë konstatuar një automjet që po transportonte 480 bimë të dyshuara narkotike cannabis, të prera. Pasi ka konstatuar prani të forcave të rendit, Martin Vasile ka braktisur automjetin dhe është larguar me shpejtësi.

Pas ndjekjes, materialet procedurale u kaluan Prokurorisë së Shkodrës për veprime të metejshme. Ky arrestim është një tjetër sukses në luftën kundër kultivimit të bimëve narkotike në zonat e veriut të Shqipërisë.