Sokol Bushkolaj, 49-vjeç, një protestues i Rithemelimit dhe Partisë së Lirisë, është arrestuar nga policia për hedhjen e molotovëve gjatë protestës para Bashkisë së Tiranës. Bushkolaj rrezikoi jetën e gazetarëve dhe qytetarëve me aktin e tij, dhe tashmë përballet me pesë akuza, përfshirë edhe akuzën për vrasje me dashje e mbetur në tentativë.

Bushkolaj shfaqet i maskuar, duke mbajtur një bluzë të bardhë, flamurin shqiptar, kapele, syze, maskë dhe doreza kirurgjikale, në përpjekje për të mos u identifikuar. Bushkolaj duket i qetë mes turmës, kur nxjerr molotovët dhe i hedh në drejtim të godinës së bashkisë, me një prej tyre që bie drejt gazetarëve dhe qytetarëve.

Personi me bluzë të bardhë, flamur dhe me kapele të mos hedhë më lëndë piroteknike”, thotë policia.

Ndaj tij rëndojnë është ngritur akuza për veprën penale “Vrasja me dashje” mbetur në tentativë. Po ashtu militanti i Rithemelimit apo i Partisë së Lirisë akuzohet për “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, “Goditjet për shkak të detyrës”.
Ngjarja u dënua nga shoqatat e gazetarëve dhe AMA, të cilat kërkuan që autori të përballet me drejtësinë. Po ashtu, për protestën është vënë në hetim edhe një 22-vjeçar, K.B., banues në Tiranë.