Policia e Shkodrës ka arrestuar shtetasin Gledis Bujari, 21 vjeç, drejtuesin e automjetit që shkaktoi aksidentin tragjik pranë fshatit Mjedë, në aksin Vau i Dejës-Kryebushat, ku humbën jetën dy persona. Bujari është akuzuar për veprën penale “Shkelja e rregullave të qarkullimit rrugor”.
Sipas hetimeve, Bujari, duke drejtuar një “Mercedez Benz”, ka përplasur dy këmbësorët, Ndue dhe Ndrekë Prenga, xhaxha e nip, të moshës 63 dhe 43 vjeç. Njëri prej tyre ka humbur jetën në vendngjarje, ndërsa tjetri ka ndërruar jetë gjatë transportimit për në spital. Dyshohet se automjeti ka rëshqitur për shkak të lagështirës në rrugë, duke humbur kontrollin dhe shkaktuar aksidentin fatal. Viktimat ishin banorë të zonës dhe ndodheshin në drejtim të banesave të tyre në momentin e ngjarjes.
