Policia e Kosovës njoftoi arrestimin e Ujkan Metaj, i cili ishte në kërkim pasi u arratis 12 ditë më parë nga burgu i Dubravës. Sipas Policisë, identifikimi dhe lokalizimi i Metaj është realizuar përmes masave aktive hetimore dhe operative.

“Si rezultat i angazhimeve të pandërprera të Policisë së Kosovës, konkretisht të Drejtorisë Rajonale në Pejë, është arrestuar Ujkan Metaj, i lindur në vitin 1988 në Istog, i cili ishte i kërkuar për veprën penale ‘Arratisja e personit të privuar nga liria’,” thuhet në njoftimin e Policisë.

Metaj u shpall sot në kërkim nga policia dhe tani do të përballet me veprimet e mëtejshme në bashkëpunim me organet e drejtësisë.