Deputetja e PD Albana Vokshi, ne nje deklaratë për media nga Gjykata e Posaçme ku kishte seancen e pare gjyqesore pas padise qe ka bere ndaj saj ministrja e Arsimit Evis Kushi, ka kerkuar qe ajo te jape doreheqjen duke e akuzuar se e “ka kthyer arsimin ne celule te PS”.

“Sot isha në seancë gjyqësore për një padi të ministres Kushi, për denoncimin që kam bërë për nxjerrjen e tezave. ishte seanca e parë që quhet seanca pajtuese, por ministrja Kushi nuk ndodhej. E pata të pamundur për të paraqitur provat pasi ministrja Kushi nuk ishte.  I kërkova gjykatës që të thirrej në seancë ministrja Kushi për t’ja paraqitur dhe asaj në prezencë faktet provat, që do vijoj ti denoncoj. Ministrja sa kohë harxhon nëpër gjyqe duke bërë të pafajshmen do ishte mirë nëse i ka mbetur një fije morali të jepte dorëheqjen.

Arsimi sot gjendet në një pikë alarmante. Janë 208 mijë nxënës e studentë të larguar nga arsimi se ministrja Kushi dhe Edi Rama e kanë kthyer arsimin në celulë të PS dhe kanë keqmenaxhuar politikat arsimore”, tha Vokshi.