Asambleja Vjetore e Dhomës Amerikane të Tregtisë teksa ka mbajtur fjalën kreu i saj Enio Jaço. Ai tha se inflacioni është më i lartë në 15 vitet e fundit teksa shtoi se ka mungesë të burimeve njerëzore. Ai theksoi se bizneset po përballen me vështirësi kohët e fundit dhe ka shumë punë për të përmirësuar klimën e biznesit.
Ndër të tjera Jaço shtoi se Shqipëria ka hyrë në një moment delikat dhe afrimi me BE varet nga realizimi i reformave të kërkuara nga BE.
“Ne u goditëm me një sërë stuhish të reja dhe ekzistuese duke përfshirë goditjet e post-pandemisë, ç’rregullimin dhe nderprerjen e zinxhirëve globale dhe lokale të furnizimit, inflacion nga me të lartët në 15 vitet e fundit dhe probleme të mëdha energjetike. Për të qenë të sinqertë, këto janë probleme globale, që përballen shumica e bizneseve në mbarë botën. Por e kombinuar me një ekonomi të brishtë lokale, me një ritëm të paprecedent emigrimi të fuqisë punëtore, dhe me një dobësim të ndjeshëm të fuqisë konsumatore, presionet tek bizneset tuaja janë bërë të jashtëzakonshme.Ne besojmë se rritja e mundësive dhe krijimi i urave lidhëse për komunitetin e bizneseve me tregtinë në SHBA, në Europë është një model themeli për hapjen e bizneseve me tregun transantlantik, me benefit të qartë për rritjen e konkurrueshmerisë së bizneseve lokale, rritjen e investimeve të huaja dhe rritjen e ekonomisë shqiptare” u shpreh Presidenti i Dhomës Amerikane të Tregtisë.
