Deputeti i partisë së Lirisë, Petrit Vasili ka akuzuar prokurorinë e Tiranës për mosfillimin e hetimeve pas padisë së bërë nga ana e kryetarit të PL-së, Ilir Meta ndaj Autoritetit të Dosjeve.

Vasili tha se mungesa e hetimve, tregonte se drejtësia ishte e kapur nga kryeministri Edi Rama.

“Është shumë e qartë, që ky vendim i Prokurorisë është nul pasi nuk ka respektuar asnjë nga detyrimet më themelore të ligjit si në procedurë dhe në përmbajtje.

Mos fillimi I çështjes penale nga Prokuroria e Tiranës pa kryer asnjë hetim, mosdhënia e dokumentave nga Autoriteti I Dosjeve avokatit në kundërshtim me ligjin, si edhe mosdhënia e dokumentave edhe nga Kuvendi I Shqipërisë ndaj avokatit, tregon qartë kapjen prej fyti të drejtësisë dhe të gjithë institucioneve nga Edi Rama.

Ky vendim do të ankimohet në Gjykatën e Rrethit Gjyqësor në Tiranë dhe ankimi depozitohet sot në atë Gjykate.

Kjo çështje do të ndiqet deri në fund dhe në rast se procesi gjyqësor do ta kërkojë ajo do të ankimohet në të gjitha nivelet e Gjykatave të vendit, po redhe në Gjykatat Ndërkombëtare”-u shpreh Vasili.