Avokati i njohur i Jay-Z, Aleks Spiro, ka hedhur poshtë me vendosmëri akuzat për përdhunim të ngritura nga një grua e paidentifikuar, duke i quajtur ato “plotësisht të rreme”. Sipas Spiro, provat tregojnë mospërputhje të qarta në historinë e saj, duke e bërë të pamundur që ngjarja të ketë ndodhur. Ai ka theksuar se padia është një përpjekje për përfitim financiar, ndërsa detajet e ofruara nga gruaja, përfshirë vendndodhjen dhe të ashtuquajturit dëshmitarë, janë të pasakta.

“Kur njerëzit sajojnë një rrëfim, ata mund të përsërisin pjesën bazë të tregimit, por detajet gjithmonë do të jenë të pasakta, sepse nuk kanë qenë kurrë atje,” deklaroi Spiro. “Është e pamundur që kjo të ketë ndodhur, sepse nuk ka ndodhur kurrë.”

Avokati po ashtu e cilësoi këtë rast si një shembull të abuzimit me sistemin ligjor për të sulmuar figura publike dhe për të përfituar në mënyrë të padrejtë.