Babi i Kledi Tirollarit, 29-vjeçarit të akuzuar për marrëdhënie intime me një 12-vjeçare me të cilën bashkëjetonte në qytetin e Korçës, ka reaguar duke mohuar të gjitha akuza. Ai thotë se djali ka pasur një lidhje në Greqi dhe nuk ka pasur asnjë lidhje me vajzën e bashkëjetueses së tij. Babai shprehet se kjo është një akuzë e rreme pas një konflikti mes tyre. Në këtë mënyrë, ai hedh dyshime mbi deklaratat e nënës së vajzës dhe e mbron djalin nga akuzat për marrëdhënie të paligjshme.
Për mediat, nga Gjykata e Korçës ku u caktua masa e sigurisë “arrest me burg” ndaj 29-vjeçarit, i ati deklaroi se denoncimi është bërë për shkak të inateve që bashkëjetuesja kishte me të, pas një debati që kishin bërë bashkë.
Ai pretendoi se nëna e 12-vjeçares i ka kërcënuar se do i dërgonte të gjithë në burg. Ndërsa u shpreh se i biri nuk flinte në një dhomë me të miturën, siç ka pretenduar bashkëjetuesja e tij.
“Kisha një fëmijë të vogël tek 8-vjeç e gjysmë, edhe ajo kishte fëmijë. Ramë dakord të bashkëjetonim. Ne debatuam, i thashë një të fshirë e të pastruar s’bën dot. Më tha ‘po me ju do të merrem unë, jua rregulloj unë’.
Unë kam 3 djem, kur e kam marrë bashkëjetuese djemtë i kam pasur në Greqi. Kur erdhi djali tha po mirë e kemi si motrën tonë, hamë e pimë bashkë. Nuk është e vërtetë që djali ka kryer marrëdhënie me të, ajo e akuzoi sepse debatoi me mua.
Djali kishte dhomën e vet. Rrinim në një shtëpi, vajza qëndronte me nënën e saj, shkollën e kishim afër dhe e çonim. Janë muhabete të kota. Më tha “do ju fus të tërëve në burg”, u shpreh babai i 29-vjeçarit për mediat.
