Gazment Bardhi përgjigjet ministres Elisa Spiropali duke theksuar dy standardet e veprimit të mazhorancës në lidhje me SPAK. Ai akuzon qeverinë se sulmon SPAK kur cenohen interesat e oligarkëve, ndërsa e lavdëron kur goditen kundërshtarët politikë. Bardhi thekson që koha e llogarisë për veprat e kryera nga ministrat dhe ish-ministrat do të vijë, duke shtuar se opozita nuk ka hall, por hall janë ata që kanë drejtuar vendin për 11 vjet.
“Babai jot i gjithë drejtimeve, Edi Rama ka ekzaktësisht të njëjtin qëndrim që kur goditen kundërshtarët, lavdëron SPAK e kur i cenohen oligarkët, e sulmon. Delir madhështie ka vetëm babai jot, e dëgjove si i tha, më marrin liderët botërorë e më marrin në telefon për të zgjidhur hallet e botës. Kur goditet opozita nga SPAK thërret fitore, kur goditen interesat e tij iu kërkon llogari, për portin e Limionit. Bëhet zëdhënësi i oligarkëve. Ne nuk kemi asnjë hall, hall jeni ju. Nuk shëtisim çdo ditë siç shëtisni. Hyn Niko, del Ogerta, hyn njëri këtej del andej. Ora e drejtësisë për çdo gjë që i keni bërë vendin këto vite, do ngjitet tek ministrat, ish ministrat. Ka vetëm një hall për ato që i ka bërë këto 11 vite Shqipërisë. Sa për mbështetjen për drejtësinë, për interesat personale të një ish ministrit të Edi Ramës grisët dhe hodhët në kosh një vendim të GJK.
