Ministri i Brendshëm, Taulant Balla, ka bërë një deklaratë ku paralajmëron një kontroll edhe më të fortë në të gjithë territorin e vendit për identifikimin dhe ndalimin e personave të armatosur, kriminelëve dhe trafikuesve të drogës. Në një postim në rrjetet sociale, ministri thotë se pres një plan efektiv të masave dhe kontrollit të gjerë, duke përdorur inteligjencën policore dhe bashkëpunimin me agjencitë e tjera ligjzbatuese.
Ministri shprehet se ky plan do të përfshijë Forcën Operacionale, Forcën Kombëtare të Sigurisë, Shqiponjat, Patrullat e Përgjithshme dhe Policinë Rrugore, dhe ka për qëllim parandalimin e ngjarjeve kriminale, kapjen dhe dërgimin para drejtësisë të personave përgjegjës. Balla thekson se rezultatet e arritura në vitin 2023 në luftën kundër krimit duhet të përmirësohen edhe më tej në vitin aktual për garantimin e rendit dhe sigurisë në vend.
Balla tha se “pres nga Policia e Shtetit një plan efektiv masash dhe kontroll të imtësishëm në territor, duke shfrytëzuar inteligjencën policore dhe bashkëpunimin me agjencitë e tjera ligjzbatuese”.
“Ky Plan i ri masash do të ketë detyra konkrete për Forcën Operacionale, Forcën Kombëtare të Sigurisë, Shqiponjat, Patrullat e Përgjithshme dhe Policinë Rrugore, me qëllim parandalimin e ngjarjeve kriminale, kapjen dhe çuarjen para drejtësisë të personave përgjegjës”, theksoi Balla.
Ministri Balla u shpreh se “rezultatet e arritura përgjatë vitit 2023 në drejtim të rendit dhe sigurisë, të luftës ndaj krimit në përgjithësi e krimit të organizuar në veçanti duhen përmirësuar akoma më tej”.
