Seanca e sotme në Kuvend po shoqërohet me përplasje mes opozitës dhe mazhorancës lidhur me krizën ekonomike në vend dhe rritjen e çmimeve.

Deputeti Helidon Bushati iu drejtuar ministres Belinda Balluku duke thënë se po përmbyt Prizrenin në mënyrë ironike duke përmendur faktin se Fierza sot është 6 metra larg nga pika e vdekjes.

Balluku i është kundërpërgjigjur duke thënë se ai nuk është në parlament që të shtrembërojë fjalët e saj dhe është kohë për reflektim e jo deklarata të tilla.

Pjesë nga seanca:

Bushati: Kriza juaj është keqmenaxhim, sot Fierza është 6 metra nga pika e vdekjes, vetëm importoni. Kjo është e vërteta. Po mbështesni partnerët tuaj. Mblidheni Komitetin e Energjisë, kuota është 258 metra, del ministrja thotë kemi bërë menaxhimin më të mirë, del drejtori i KESH dhe thotë niveli i kaskadës është 271 metra. Zonja ministre mblidhni sa më rrallë komitetin se po përmbysni Prizrenin.

Balluku: 259 metra është sot rezerva. Duhet të dëgjoni me vëmendje, mos u emociononi. Bizneset e mëdha kanë dalë në tregun e lirë, e nuk mund t’i kthejmë në sistem. Është koha që të gjithë së bashku të gjejmë zgjidhje. Reflektoni se nuk iu kanë sjellë këtu për të shtrembëruar fjalët e mia.

Bushati: Është detyrë e çdo deputeti që të kërkojë replikë, ministrja e di shumë mirë keqmenaxhimin. Zonja ministre hiqni taksën e qarkullimit.